Responsibility

வ்வொருவருக்கும் Responsibility என்பது மிக முக்கியம். தைரியமானவர்களே Responsibility எடுத்துக்கொள்ள முயல்வார்கள், மற்றவர்கள் தயங்குவார்கள்.

Responsibility (பொறுப்பு) என்றால் என்ன?

வழங்கப்படும் பணியைத் தயங்காமல் எடுத்துக்கொள்வது, பணி கொடுக்கப்பட்டால் அதைப் பொறுப்புடன் முடிப்பது. Image Credit

ஒருவரிடம் ஒரு பணியைப் பெற்றால், நாம் செய்துவிடுவோம் என்ற நம்பிக்கையை அளிப்பது.

Responsibility ஏன் முக்கியம்?

பலரிடையே உள்ள பிரச்சனை, பொறுப்பை எடுத்துக்கொள்ளத் தயங்குவது. மற்றவர்கள் எடுத்துக்கொள்ளட்டுமே! நாம் ஏன் செய்ய வேண்டும்?! என்ற எண்ணம்.

ஒரு வேலையை அலுவலகத்தில் கூறினால், அடுத்தவர் செய்யட்டும் என்று அமைதியாக இருக்கக் கூடாது. நான் செய்கிறேன் என்று பொறுப்பை எடுத்துக் கொள்ள வேண்டும்.

எப்போது பொறுப்பை நாம் எடுத்துக்கொள்கிறோமோ அப்போது தான் அடுத்தக் கட்டத்துக்கு முன்னேற முடியும்.

பொறுப்பைத் தட்டிக்கழித்தால், போட்டியில் பின்தங்கி விடுவோம்

அனைவருக்கும் பொதுவான ஒரு அறிவிப்பு வந்து, விருப்பப்படுகிறவர்கள் இப்பணியை எடுத்துக்கலாம் என்றால், பெரும்பாலும் பலர் அதைப் புறக்கணிப்பவர்களாகவே இருப்பர்.

யாரோ எடுக்கட்டும் நமக்கேன் தேவையில்லாத வேலை? என்று பலர் அமைதியாக இருப்பார்கள்.

ஆனால், அதைச் சிலர் நான் செய்கிறேன் என்று தேர்வு செய்வார்கள். அவர்களைக் கவனித்தீர்கள் என்றால், மற்றவர்களை விடப் பல படி முன்னேறி இருப்பார்கள்.

அது பதவியாகவும் இருக்கலாம், ஊதியமாகவும் இருக்கலாம். நிறுவனத்தில் அவர்களுக்கான முக்கியத்துவம் மிக அதிகமாக இருக்கும்.

35 வயது வரை மிக முக்கியம்

படிப்பை முடித்து முதன் முதலாகப் பணியில் இணைபவர்கள் குறைந்தது 35 வயது வரை கூடுதல் வேலை செய்வதற்குத் தயங்கவே கூடாது.

இந்த வயது கற்றுக்கொள்ளும் காலம், எதிர்கால வளர்ச்சியைத் தீர்மானிக்கும் காலம்.

இக்காலத்தில் தெரிந்து கொள்வது, பெறும் வளர்ச்சிகள் எதிர்கால வாழ்க்கையைத் தீர்மானிக்கும் காரணிகளாக இருக்கும்.

இக்காலங்களில் தவறு செய்தால் 40 வயதுக்கு மேல் ஒரு சரியான இடத்தில் இருக்க முடியாமல், அலைபாய வேண்டியதாக இருக்கும். நமக்கான மதிப்பு இருக்காது.

எனவே, இக்காலங்களில் சோம்பேறித்தனமாக, சொகுசாக இருக்க நினைக்காமல் ஆர்வமாக அவ்வளவையும் கற்றுக்கொள்ள வேண்டும்.

இதற்கு அடிப்படையான விஷயம் Responsibility.

எதற்கு முக்கியத்துவம் கொடுக்க வேண்டும்?

எந்தப் புதிய பொறுப்புக் கொடுக்கப்பட்டாலும், ஆர்வமாகத் தைரியமாக எடுத்து அதை முடிக்க முயற்சிக்க வேண்டும்.

முக்கியமாக, எந்த வேலை நமக்குத் தெரியவில்லையோ அதைத்தான் முதல் ஆளாகத் தேர்வு செய்ய வேண்டும்.

தெரியவில்லை என்றால், அதைப் புறக்கணிக்கக் கூடாது. அவ்வாறு புறக்கணித்தால் நம்மால் என்றுமே புதிய விஷயங்களைக் கற்றுக்கொள்ள முடியாது.

35 வயது வரை உள்ள வயது மிக முக்கியமானது.

எனவே, இக்காலங்களில் அதிகளவில் பொறுப்பை எடுத்துக்கொள்ள வேண்டும், அதை விட முக்கியம் அதைக் கடுமையான உழைப்பில் முடிப்பது.

தெரியாத வேலையை வேறு யாரிடமாவது கேட்கலாம், இணையத்தில் தேடலாம், கூடுதல் நேரம் செலவழித்து அப்பணியை முடிக்கலாம்.

அவ்வாறு முடிக்கும் போது கிடைக்கும் திருப்தி அளவிட முடியாதது.

பயம்

சோம்பேறித்தனம், கூடுதல் Responsibility என்று புறக்கணிக்கக் காரணங்கள் இருந்தாலும், பலருக்கு புதிய பொறுப்புகளை எடுக்கக் காரணம் பயம்.

பொறுப்புகளை எடுக்கப் பயப்படாதீர்கள்.

கூடுதல் வேலையைக் கொடுக்கும் என்பது உண்மை என்றாலும், நம்மை அடுத்தக் கட்டத்துக்குக் கொண்டு செல்ல உதவுவது இந்தப் பொறுப்புகள் தான்.

பொறுப்பை எடுப்பவர்கள் மீது உயர் அதிகாரிகளுக்குக் கூடுதல் மதிப்பு இருக்கும். எனவே, வளர்ச்சியும் அதிக அளவில் இருக்கும்.

பொறுப்பை எடுப்பது துவக்கத்தில் பயமாக இருக்கலாம் ஆனால், நாளடைவில் சுவாரசியமாகி விடும். எந்தப்பணியையும் நம்மால் செய்ய முடியும் என்ற தன்னம்பிக்கையை அளிக்கும்.

எனவே, வாழ்க்கையில் முன்னேற Responsibility எடுக்கத் தயங்காதீர்கள்.

யார் இப்பணியைச் செய்கிறீர்கள் என்று கேட்டால், “நான் செய்கிறேன்” என்று கையை உயர்த்த தவறாதீர்கள்.

தொடர்புடைய கட்டுரைகள்

ஐடி துறை | 35 – 40 வயதுக்கான எச்சரிக்கை!

ஆங்கில எழுத்து இலக்கணப் பிழை தவிர்க்க Grammarly

ஐடி சப்போர்ட் துறை எதிர்காலம் எப்படியுள்ளது?

அலுவலகத்தில் எப்படி நடந்து கொண்டால் முன்னேறலாம்?

Thanks or Thank You

Previous article*மதுரை மாவட்டத்தில் நேற்று பெய்த மழை அளவு :- கள்ளந்திரி 66 mm மேட்டுப்பட்டி 2…
Next article*மதுரை மாவட்டத்தில் நேற்று பெய்த மழை அளவு : கள்ளிக்குடி 32.60 mm திருமங்கலம் 30…